> Cov phooj ywg,
> Ua tsaug uas nej muaj ob peb leeg kuj pom li kuv pom thiab xav li kuv
> xav thiab. Hos nej cov uas pom thiab xav txawv zog los kuv thov ua nej
> tsaug, txawm nej txoj kev xav thiab kev ntseeg txawv los nej yeej hais
> yog lus kawg lawm thiab. Tab sis yog peb cia nkawv tuaj sib ntsib kiag
> no, yuav yog nkawv txawj sib zam ces kuj tsis luaj twg. Yog tsis txawj
> sib zam, yog ib tug hais rau ib tug es yam nkaus li tuaj sau ntawv
> hauv internet no xwb ces kuv yeej xav hais tias nkawv txoj kev yuav
> los sib tuav tes sib pab yam siab dawb paug mas tsawg kawg nkaus li.
> Tej zaum nkawv tseem yuav ua ua kom ib tug ceg kos lov kiag los kuj
> muaj.
>
> indigenous thiab Kajliag, kuv ntseeg hais tias, ntawm neb ob tug kheej
> mas neb yeej muaj lub siab dawb paug yuav pab cov Hmoob txom txom nyem
> no. Tab sis tej zaum neb twb ras tsis txog hais tias tom neb ob leeg
> lub nruab qaum twb muaj cov rau siab ntso laij liag, hos ib txhia twb
> cog cog nplej saum neb nrab qaum lawm. Txawm neb pom thiab paub los
> neb yeej tsis zoo tig cev hlo li, vim lawv yog neb tej txheeb tej ze.
> Yob li ntawd, neb ua ntsuas sib zog khoov heev, lawv thiaj tsis tau
> tau zoo ua liaj nawb.
>
> HL