On 17 Sep, 12:41, Tzianeng Vang
gmail.com> wrote:> Txawjxab,
>
> Kuv paub tias tus ntawv Las Tees tsim rau cov A-Hmao ces yog Samuel
> Pollard (Pollard Script), Savina tsim rau cov Hmoob Nyab Laj tiam sis
> cov Hmu thiab Hmoob Liab nej lawv cov ho yog leej twg tsim? Koj yog
> tus mus pom lawm koj ho pab qhia thiab seb.
>
> Tsis tag li xwb tus ntawv Hmoob tshiab nyuam qhuav tshwm sim tam sis
> no ua ib tug kwv tij Hmoob Hawj nthuav cia muaj lub npe hu tias, "Puaj
> Txwm" no nes puas yog txhim kho tus Pollard Script los li ib co kws
> ntaub kws ntawv hais, hais los lawm thiab?
>
> Thiab yog tias kuv cov lus cev ho tsis meej los thov zam txim...
>
> Ua tsaug!
>
> -Txiabneeb
>
> On Sep 17, 1:39 pm, tzexa...@
msn.com wrote:
>
>> Qin Dynasty kav lub tebchaws Nruabnrab tau li ntawm 500 xyoo. Lub
>> tebchaws Nruabnrab ntawv muaj ntau ntau lub xeev thiab muaj ib cov
>> me nyuam tebchaws puag ncig. Lub sijhawm ntawv cov ntawv mas muab piv
>> tau tsis txawv li cov ntawv Latin Hmoob siv niaj hnub no. Ntawv Latin
>> Hmoobdawb (Hmong), Latin Hmoobntsuab (Mong), Latin Hmoobnyablaj, Latin
>> Hmoobnraug A Hmao), Latin Hmoobdub (Hmu), thiab Latin Hmoobliab
>> (Xiong) puav leej yog ntawv Hmoob, tabsis nyias sau nyias raws nyias
>> lus. Txawv tsis ntau li ntawv Hmoobdawb thiab ntawv Hmoobntsuab los
>> yeej tsis kam hloov li. Cov ntawv uas Hmoob thiab Suav siv lub
>> sijhawm 300 xyoo uantej Yesus ntawv ces zoo li no.
>
>> Qin txoj kev cai ua tus huabtais (emperor) yog tus tub hlob thiaj tau
>> ua huabtais thaum leej txiv tuag lawm. Huabtais Qin Shi Huang leej
>> txiv muaj 6 tus poj niam. Niam loj tsis muaj tub. Niam 6 yog lwm
>> haiv neeg. Niam loj yuav niam 6 tus tub los ua tub ces niam 6 tus tub
>> thiaj li tau los ua tus Huabtais. Qin Shi Huang tau ua huabtais
>> lawm. Nws thiaj li kho cov ntawv lub sijhawm ntawv. Thaum nws kho
>> tau tas. Nws hais kom tasnrho sawvdaws nyias tso nyias tej ntawv tseg
>> es los koom siv tib tug ntawv. Muaj ib cov tsis kam siv. Huabtais
>> Qin lawv thiaj li uarog niav kiag. Muab tus thawj coj tsev neeg tua
>> tunoob nrho. Muab cov kws txuj thiab cov txawj ntawv tua tunoob
>> nrho. Tsis tas li muab tej ntaub tej ntawv muaj npe ntawv thiab tej
>> tsev qhia ntawv tum ntawv hlawv povtseg tas hu tib si.
>
>> Niaj no, peb rov qab muaj ntawv ntau ntau yam tuaj thiab peb los yeej
>> coj tib lub siab qub li xyoo 300 ntawv. Yog peb tsis hloov, peb yeej
>> yuav tsum raug poob rov qab mus taug tus qub roj qub neev dua. Peb
>> cov Hmoob mas peb yuav tua tsis tau peb cov Hmoob. Tab sis cov tsis
>> yog ntshav Hmoob 100%% tua tau nawv.
>
>> Txawjxab
Txiabneeb,
Pollard script yog cov ntawv uas Pastor Samuel Pollard tsim. Pastor
Pollard vam tias tas nrho cov Hmoob yuav siv. Tabsis thaum kawg yog
cov Hmoobnraug siv xwb. Tsis tas li ib cov Hmoobnraug tseem hais
tias tus ntawv Hmoob laus no (pollard script) noj suab tsis tas. Lawv
tseem kho dua ib cov tshiab lawm thiab. Cov ntawv latin Hmoob nyob
Tsoobkuj txhua yam yog tseemfwv Suav tsim.
Cov ntawv Puajtxwm yog Nkajvag Hawj ua nyob Thaiteb. Kuv kuj tsis
paub Nkajvag zoo. Zoo li yog nws sawv saub thiab no. Cov ntawv
puajtxwm no yeej tsis pom muaj ib yam puavpheej cuam tshuam li.
Ntawv qauvntawv mas yog lawv tsim nyob tim Vinai. Kuv ntseeg hais
tias tus ntawv no yog tsim los txhaws lub qhov yuamkev uas tej tus
neeg tau ua lawm.
Ntawv Pajntaub los yog ntawv Txawjvag mas kuv xav hais tias yog txia
ntawm ntawv Phajhauj los thiab muab lub tswv yim ntawv Latin thiab
ntawv Nplog los sib tov.
Txawjxab
