> cov phooj ywg s/d,
>
> thov kom nej pab kho kom tau peb hmoob tej ntaub tej ntawv tiag tiag.
> nej cov muaj rab peev xwm, nej tsis txhob lam muaj tso tseg thiab qaug
> luag lub tswv yim. qhov no tsis yog cem, tiam si, txhawb hmoob lub
> neej thiab txoj kev sib hlub loj hlob zuj zus mus yam tom ntej xwb.
> tej yam, luag sab nraum tau tsim rau peb, yeej lees paub yeej ris luag
> txiaj. tiam si, yog raws li kuv xav, peb hmoob tsis paub + txawj hais
> kom sib haum peb tus kheej. vim li ntawv, tej yam twb yog lub zoo tswv
> yim los tseem poob qees.
>
> nyob raws li science, lawv siv qhov tswv yim, occam's razor. qhov no,
> tej co tsis paub, txhais hais tias, "All other things being equal, the
> simplest solution is the best." (wikipedia) tiam si, qhov no, yog
> txhais raws li kev yooj yim xwb. qhov tseeb, yog koj muab xav mus xav
> los, yog, "a solution should be as simple as possible, but no
> simpler."
>
> kuv hais li no yog hais dab tsi? yog hais li no. tej ntaub ntawv hmoob
> es yuav siv nyog los ua tau qauv ua hmoob ntaub ntawv, twb muaj kiag
> ntawm taw lawm. tej yam no zoo li NDX lawv cov QNQN (it's not his, but
> he is one of its champions and promoters) thiab SLY lawv cov Phaj
> Hauj. ib co xav thiab nyiam siv RPA thuam tias, "QNQN + PH nyuaj dhau
> hwv lawm. ntawv las tees yooj yim siv dua. siv qhov yooj yim xwb."
>
> yog koj cia li xav ceev ceev xwb, ces yog li lawv thuam tiag. vim li
> cas ho tsis siv qhov yooj yooj yim es pheej mus siv qhov nyuaj nyuaj
> xwb? luag yuav muab piv tias, tam sim no, twb muaj tshuab ncaws teb
> lawm, los vim li cas, koj thiaj li tseem mus siv rab choj txhwj (rab
> hlau) ncaws teb tas mus li?
>
> TIAM SI, qhov yooj yooj yim xws li RPA txwb ua rau peb haiv hmoob tawg
> loj zuj zus mus. nej yeej paub paub lawm; tej yam no yog tej yam peb
> niaj hnub pom: moob, hmoob, mhoob, etc... peb xav tau qhov yooj yim
> siv, peb xav tau lub tshuab ncaws teb kom peb tau zoo. tiam si, hnub
> no, qhov yooj yim rhuav peb tawg, lub tshuab laij av rhuav peb thaj
> teb. muab luag txuj los siv, muab qhov yooj yim los siv, es pheej ua
> rau peb tawg thiab sib to taub yuam kev zoo npaum twg? tej zaum, peb
> tau zoo 2-3 hnub, tiam si, tas ib sim peb yauv txom txom nyem.
>
> kuv thiaj xav, "a solution should be as simple as needed, but no
> simpler." RPA yooj yim kawg, tiam si, ho yooj yim dhau hwv lawm rov
> qab tsoo peb haiv hmoob tawg ib qeb loj tshaj suav tau quab yuam faib
> peb ua pab ua pawg yav tas thiab. yog li ntawv, peb yuav tau nrhiav
> los tsim kom tau peb teej peb tug tiag tiag. peb yuav tau tso qhov
> yooj yooj yim no pov tseg. qhov no, tsis yog hais kom siv qhov nyuaj
> nyuaj, TIAM SI, hais kom tsim + siv qhov pab tau peb hmoob txawj sib
> hlub thiab muaj kev tiaj tus (peace) + vam meej (prosperity). txawm
> yog qhov no yuav nyuaj dua RPA los xij. txawm yog ho muaj tus ntse li
> SLY es tsim tau hmoob ntaub ntawv yooj yim dua RPA los xij. qhov
> tseeb, tsis yog qhov nyuaj los qhov yooj yim, tiam si, yog lub hom
> phiaj (li xov tooj cua moj them niaj hnub hais) ras haiv.
>
> kuv yuav teb cov RPA supporters txog qhov lawv thuam (criticize) tias
> tej ntaub ntawv hmoob (i.e. QNQN) nyuaj dhau hwv lawm. thaum lawv hais
> tias "nyuaj" no, lawv hais tias
> a) tsis yooj yim sau raws li keyboard
> b) tsis yooj yim kawm vim cov ntawv sib chab sib chaws (intricate
> alphabet)
> c) tsis yooj yim cim (too many alphabets)
>
> tej lawv tau thuam no yog kawg los mav. yeej muaj tseeb nawb. tsis
> muaj chaws cav kom dhau. these are excellent points. tiam si,
> 1) thov nej pab saib xyuas (study) txog ntawv suav (han.zi), kaus lim
> (han ja), nyiaj pooj (kan ji)
> 2) thov nej txwb muab ua zoo xav peb muab ib qho teeb meem me pauv
> teeb meem loj
>
> qhov ib yog hais txog han.zi, hanja, + kan ji. hanja thiab kan ji yog
> qev los ntawm han.zi xwb. txawm li cas los, lawv peb hom ntawv no
> nyuaj tshaj QNQN + PH nawb. tsis yooj yim sau raws li keboard, tsis
> yooj yim sau, tsis yooj yim cim (too many characters). txawm si, lawv
> peb haiv neeg loj no, twb siv qees. tsis tag li ntawv, ntawv las tees
> yooj yim siv, tiam si, tsis yooj yim nyeeb + to taub. piv txwv, yog
> kuv sau "cov nyom" no yog txhais li cas? yog kuv sau "txiv" no txhais
> li cas? yog tsis muaj context, ces koj yeej tsis paub kuv hais cov
> nyom = grass los cov nyom = difficult, or, txiv = father los txiv =
> fruit. tsis tag li, tseem muaj qhov twb kho tsis tau tias yauv sau li
> cas, muab ib los sau ua ib los (cov nyom), or, muab ib lo lus sau ua
> ib los (covnyom).
>
> qhov ob yog hais txog muab teeb meem me pauv teem meem loj. teem meem
> me yog dab tsi? yog kev sau ntawv. teeb meem loj yog dab tsi? yog qhov
> uas peb tawg raws cov ntawv las tees. peb yeej tau txais qhov yooj yim
> los mav, tiam si, peb yeej tau txais qhov nyuaj thiab tseem ceeb tshaj
> plaws, qhov no yog kev ua haiv. kuv txwb hais hais lawm, los kuv yuav
> hais dua, nyob ntawm txoj kev pab tsim + kho hmoob ntaub ntawv, tsis
> yog evolutionary tsis yog stationary, tiam si, yuav yog poob rau qhov
> revolutionary lawm. revolutionary vim tias qhov no rov qab tig los
> ntawm txoj kev sib tawg mus rau qhov sib koom.
>
> nej puas xav tias, vim li cas qing shi huang.di ib lub thawj lub hom
> phiaj yog muab tag nrho han.zi los ua ib hom sau xwb? nej puas xav
> tias peb hmoob tawg loj dhau hwv lawm raws ntawv las tees?
>
> txawm yog hmoob lub neej zoo li thaj av fab fab los, thov nej txhob
> vam vam cia cia siab xav xav so xav xav pw es mus siv lub tshuab ua
> qhov yooj yim los rhuav hmoob thaj teb kom tas ib sim. tej zaum siv
> tus hlau los tu thaj teb ib nyuag qeeb dua tiag. tiam si, tus hlau
> yeej ncaws tau thaj av qhov txhias qhov chaws. lub tshuab tsuas laij
> tau qhov do do tus tus xwb; tseem tshuav tej ces kaum teb nqaim nqaim,
> ntxhov ntxhov, lub tshuab yeej siv laij tsis tau noj kiag li. qhov kuv
> xav xwb, peb yeej ua tau yog peb txawj sib hlub tiag. txawm peb sib
> rab hlau es ib nyuag qeeb zog lawm los, yog peb sib tuav tes sib koom
> siab, ib leeg tuav ib rab hlau, peb yeej yuav tu tau hmoob daim av ua
> teb fab fab ntxhov ntxhov kom tau noj.
>
> ua tsaug rau nej s/d. tej no yog kev xav xwb. tsis nyiam los thov muab
> pov tseg. sau ntau ntau los thorn laus laus lawm, ib pliag thorn ho
> vau thiab (tso dag xwb thorn, txhob chim nawb).