> Phoojywg Lom,
> Muaj ntau leej twb teb koj cov lus lawm ces cia kuv ho los teb lawv
> lwm tus cov lus rau peb sawvdaws ho nrog xav seb ua zaj twg thiaj li
> zoo rau Hmoob.
>
> Phoojywg 3HmRuam,
> Hmoob los lus hais tias "ua raws poj ua tseg yawm ua cia" no tsis tau
> txhais hais tias hloov tsis tau. Yog yus paub tsis tob ces txawm xav
> hais tias "poj ua tseg yawm ua cia ces hloov tsis tau" no xwb. Tabsis
> yog yuav hloov, ces yeej hloov tau txhua yam raws li lub caij lub
> nyoog thiab cheeb tsam uas yus nyob ntawd. Hmoob yeej tseem muaj lo
> lus hais tias "nyob luag ntuj yoog luag txuj, nyob luag teb yoog luag
> ci". Sob lus no txhais tau hais tias yus yeej hloov tau kom los phim
> lub caij lub nyoog thiab thaj tsam ntawd. Raws li kuv xeev xwm los,
> tsis hais kab tshoob kev kos, kev dab kev qhua lossis kev pam tuag,
> Hmoob tau pauv thiab hloov los lawm ntau heev.
> Piv txwv:
> Thaum ub peb tsev neeg coj dab 5 txig, tabsis peb twb hloov los coj
> dab 9 txig lawm.
> Thaum ub peb nyias tha nyias tus tuag hauv nyias tsev, tsam no, peb
> sawvdaws koom tha hauv tib lub tsev.
> Thaum ub Hmoob hais tshoob mas siv 3 hnub 3 hmos, tsam no tsuas siv ~6
> - 10 tav pheej lawm xwb.
>
> Hos hais txog ntawm Hmoob lub xeem los kuv yeej xav txawv zog koj
> thiab. Kuv ho xav hais tias yog Hmoob tsis muaj lub xeem los siv sib
> rub kev txheej kev ze ces Hmoob yuav zoo tib yam li tej Dawb tej Dub
> uas lawv yeej sis paub hais tias lawm muaj pes tsawg tus cousin thiab
> nyob rau qhov twg lawm. Nyias nti nyias kaub puab lawm xwb. Tam li kuv
> xav, yog zoo li no mas haj yam tsis zoo rau peb haiv Hmoob, vim peb
> tsuas yog ib haiv neeg tsawg tsawg li tej ntseeb nyob xyaw luag xwb.
> Yob peb muab peb lub xeem rhuav hnub twb, ces peb tawg ua sab ua sua
> hnub ntawd. Tab txawm muaj lub xeem, muaj koj pab kuv pawg, los tsis
> tau txhais hais tias peb yuav sib cais. Pwb tsuav siv tej no los
> ORGANIZE kom peb txoos tau ua pab ua pawb xwb. Kev sib cia sib cais
> tsis yog lawm ntawm lub xeem, tabsis yog lawm ntawm neeg txoj kev
> txawj kev ntse (kev thoob tsib to nrog). Tus neeg coj ti, coj nqaim
> yog tus neeg tsis thoob tsib to nrog xwb, yog peb suav daws muaj kev
> thoob tsib to nrog ces peb kuj txawj sib yoog sib hwm ces peb kuj tsis
> sib ciav sib cais xwb.
>
> Hos hais txog kev ntseeg ( religion), txawm peb coj txoj kev cai dab
> qhuas twg los yeej ua tsis tau ib qhoo. Koj yeej muaj koj dab, kuv
> yeej muaj kuv qhua. Koj coj dab 7 txim, kuv coj dab 9 txig, nws mus
> Chucrch of Chris, nyuag mus Catholic church, hos lawv ho mus Lutheran
> Church, etc..... Tej no los yog peb thoob tsib to nrog ces peb yeej
> tsis sib ciav sib cais thiab. Txawm nyias coj nyias kev dab kev qhua
> los peb yeej tseem yog ib hais Hmoob.
>
> Phoojywg kwvtij,
> Koj hais li tabsis kuv ho xav hais tias lub sij hawm ntawd, Hmoob feem
> coob tseem tab tom kawm txuj kawm ci los npaj lawv lub neej xwb,
> especially kawm luag lus thiab kawm hauj lwm. Yeej muaj cov uas tsis
> paub npaj nws lub neej, tabsis yog feem tsawg xwb. Hos hais txog kev
> yug me nyuam coob coob mas tsis yog yug kom coob es thiaj tau nyiaj
> welfare ntau li koj hais. Kuv tus kheej kiag, yeej tsis xav kom poj
> niam muaj los cia li muaj lawm ces kawg cia yug xwb las as. Dhau li
> ntawd, Hmoob ib txwm muaj me nyuam coob coob, peb nyuam qhuav xyaum
> hloov xwb ces tsuas ua tau li peb ua no xwb ces twb yog zoo lawm nawb.
>
> HL