> cov phooj ywg-- kuv yuav piav ib tug mej koob nkhaus nkhaus nyob nram
> merced, california rau nej paub mas. tej zaum nej cov nyob nram nej,
> nej yuav paub nws lawm thiab.
>
> muaj ib zaug peb tuaj yuav ib tug nyab yog cov xeem muas nyob rau hauv
> merced, california. tog hmoob muas tus thuam mej koob yog tus yawg
> hmoob lis nyob hauv merced ho tus lwm mej koob kuj yog lawv cov kwv
> tij hmoob muas xwb. peb 2 tug mej koob yog peb thov cov kwv tij neej
> tsa hmoob vaj nyob fresno, yog 2 tug kheej tshaj lawm ntag no. peb
> mus txog xwb ces lawv yeej muab lub rooj los thaiv kiag lub qhov rooj
> lawm ces peb 2 tug mej koob mam hais zaj qhib qhov rooj xwb thiaj tau
> mus hauv tsev. thaum lub sij hawm los pe, peb 2 tug tub los pe mas tus
> mej koob hauv tsev yeej tsis yuav li ntag. nws hais tias pe tsis yog
> lawm no ces 1 tug neeg no nkawv tau pe 4 pe 4 pe mas nws thiaj yeem.
> thaum hais nyiaj mas tus yawg hmoob li no haus cawv loj heev li. nws
> txhob txwm hais tej lo lus los txhiaj txhais cov cov rau peb 2 tug mej
> koob kom nkawv txhob txhais tau ces nws muab cawv rau nkawv haus... ua
> li no tas zog xwb. pheej tsis txawj hais mus txog qhov nqi mis nqi
> hno li ces peb 2 yawg mej koob thiaj xa zaj rau yawg ces lawv tus lwm
> mej koob thiaj coj yawg tuam mej koob hmoob lis no mus rau tom chav
> niam txiv nyob mus sab laj ntev loo, kab hais tias lawv cov niam txiv
> muab yawg tuam mej koob hmoob lis no xaj xuam me ntsis lawm ntag.
> lawv mus tham tag los ces thiaj mam li los tham tsuag tsuag ces thiaj
> li los tham txog qhov nqi mis nqi hno. peb tog yeej tsis thov thiab
> tsis cam li ci li them kiag li qhov lawv hais xwb. hnub kawg noj
> tshoob xaus yuav sawv kev los tsev ntawv. twb haus tus cawv sawv kev
> meej lawm los tus yawg tuam mej koob hmoob lis ntawd yeej tsis muab
> lub kaus rau peb 2 tug mej koob li. peb 2 tug mej koob twb xa 2 zag
> zaj thov kaus tag los nws tseem ua txoj hais tias nws tsis paub xyov
> peb 2 tug mej koob hais zaj dab tsi no thiab. ua..ua...ua ntev heev
> twb yog 7pm tsaus ntuj lawm vim peb tseem yuav los mus rau fresno kuj
> deb thiab. peb 2 tug mej koob saib zoj tsis tau, nkawv thiaj ce cawv
> mus thov tog niam txiv hmoob muas kom thov pab hais lawv tus mej koob
> tso peb mus tsev no. tog hmoob muas tus coj thiaj li los hais rau
> lawv tus mej koob ntawv hais tias, lawv twb hais zaj thov tiav thiab
> lub cawv sawv kev twb haus meej lawm ces koj ci li muab lub kaus rau
> lawv kom lawv mus tsev xwb tsam tsuas lawv ntuj no ces ci li tub qaug
> kiag lawv tus yawg tuam mej hmoob lis ntawd. nws ci li sawv tseem
> khiav mus tsev tam sim ntawv. lawv cov niam txiv mus thov kom rov qab
> los, los nws tsis los li lawm, nws ci li tsav luv khiav mus tsev
> lawm. lawv tus coj thiab tus lwm mej koob thiaj los thov peb thiab
> muab lub kaus rau peb ces ci li kom peb mus tsev lawm xwb. peb ci li
> los peb tsev lawm, xyov lawv ua lawv li cas li lawm. 2 xyoos tom qab
> peb rov mus txog nram peb mus nug no lawv tham hais tias yawg mej koob
> hmoob li ntawd mas yeej tsis muaj leej twg thov nws ua mej koob ntxiv
> li lawm. mej koob nkhaus mas zoo li tus yawg no.
>
> niam no peb yuav tau tsis txhob ua nkhaus nkhaus li tus yawg no
> lawm.