Tsuj,

Ua siab ntev txhob lam chim nawj. Lub tham debate tej zaum yuav tau
hais siab hais qis los txhob muab thwm hais tias yog personal attack.

Kuv pom li no, yog koj muaj 36 xyoo li koj hais xwb ces koj zoo li kuv
tus tub hlob xwb. Yog muaj tseeb hais tias koj tau ua mej koob thiab
kav xwm ntau npaum li koj ua ko ces hu tau hais tias koj yog ib tug
expert rau sab kab tshoob kev kos, kev ploj kev tuag no lawm. Koj
yeej tsis thawj leej twg li lawm. Kuv tus laus no ces, qhia koj hais
tias laus cev, tsis laus tswv yim. Mej koob, kav xwm, thiab tus tshwj
kab xwb twb tsis tau nrog luag ua ib zaug. Tiamsid kev cai Hmoob ua
tshoob ua kos, kev ua neeb ua yaig, kev ploj kev tuag tej txheej
txheem yeej pom muaj pom txaus thiab paub thiab. Koj txhob to taub
hais tias kuv tsis ntseeg koj vim kuv hais tias koj tsis paub Hmoob
kev lis kev cai. Kuv yeej pom hais tias koj paub kev cai Hmoob zoo,
tiamsid kuv pom hais tias koj mas yog hom coj nyuaj nyuaj thiab xav
xav hais lus li. Tos tsis tau twb yuav rawm hais. Muaj ib roog
tshoob roog kos, rooj ploj rooj tuag mas tsuav yog koj mus txog lawm
mas zaj yeej tsis tu ncua li txawm koj tsis yog tus tub leg dej num
los koj yeej mus ua yam li koj yog. Qhov no yog ib qho zoo kawg Tsuj,
tiamsid sometimes nws kuj bother lwm tus ua nws raug thov tuaj ua tub
leg dej num hauv vim koj muab txeeb ua tas lawm. Yog li ntawd, thaum
koj tuaj tham tias last week koj mus noj tshoob xwb tiamsid mus txog
koj cia yog tus kav xwm lawm. At that moment kuv twm koj zaj lus, kuv
yeej pom hais tias normally, tshoob kos tus mej koob, phij laj, niam
tais ntshuab, kav xwm, thiab tus sawv cev niam txiv mas luag yeej xub
xub thov ua ntej rooj tshoob yuav pib. Koj li es mus noj mov lawv mam
thov xwb, yog li koj qhov story tsis logically fit li normal way Hmoob
ua lawm. Kuv thiaj hais tias koj ua dev huas npua tug xwb lawv yeej
tsis tau thov koj ua kav xwm. Tsis tag li raws li koj cov lus piav
mas koj hais qhov zoo zoo xwb, tiag tiag nws happened txawv dua li koj
hais. Koj qhia koj sab qhov koj xav hnov thiab xav hais tias sawv
daws yuav tuaj koj sab no, tiamsid kuv pom hais tias nws tsis fit li
normal way ib tug neeg tuaj xaus tshoob xaus kos li tau pom thiab tau
paub los.

Tsuj, cia kuv piav ib zaj true story uas yog thaum peb mus hais kuv
tus kwv nws rooj tshoob. Lawv ua saib tsis taus peb tshaj plaws
tiamsid peb tus mej koob twb tsis kam khiav tso peb tseg. Kuv tus kwv
tuaj mus yuav ib tug ntxhais Hmoob Xyooj nyob Stocton. Peb kuj coj ib
tug kwvtij ua yeej paub kev ua tshoob ua kos zoo heev thaib nws yeej
ua tsis muaj 20 zaus los 10 zaus yeej ua los lawm tiamsid peb sab teb
chaws ces yog tshooj coj xwb ces yeej tsis muaj hais zaj tshoob thiab
yeej paub hais tias tus ntxhais twb caum yus lawm ces niam txiv yeej
tsis tshua ua nyuaj rau vauv. Hmo peb tuaj txog thaum 4pm, leej txiv
tsis kam qhib peb qhov rooj thiab hais tias kom tos nws mus hu nws cov
kwv tij paub tshoob kos tuaj tso. Peb tos tau 2 xuaj moos, lawv tsis
kam qhib qhov rooj li. Peb tos txog 7pm, lawv mas qhiv qhov rooj
tiamsid lawv muab rooj thaiv peb lawm. Peb tus mej koob thiaj thov
nug niam txiv tus neeg txais hauv tsev hais tias peb tuaj deb tuaj
thiab ho tsis paub meej es yog lawv muab rooj thaiv li no yog yuav kom
peb ua li cas. Niam txiv tus coj hauv tsev tsis kam qhia. Peb cuaj
thov kaum thov nws kom pab qhia, thaum kawg nws thiaj cem peb tus mej
koob hais tias ua li koj tsis paub li es koj yog tuaj dab tsi. Peb
tus mej koob teb hais tias yog peb tuag xaus tshoob ntawd peb tus tub
thiab tus nyab. Vim ib rab teb ib tsav txuj, peb yeej tsis tau pom
dua thiab peb tsis txawj zaj ces cia thov muab dab tsi los thov hais
lo lus xwb. Muaj chaw chob chaw chim los mam tham hauv tsev. Tus
yawg ntawd teb hais tias yog peb twb tuaj xaus tshoob xaus kos no peb
ho tsis paub hais zaj ces txhob tuaj lawv tsis paub yuav nrog peb xaus
tshoob xaus kos li. Lawv cia ntiab peb kom rov mus nrhiav tau tus
txawj tus paub mam rov tuaj. Peb ua tsis tau tes thiaj li hu rov rau
nram tsev saib yuav ua li cas. Thaum kawg cov nram tsev mam muab ib
tug kwvtij tsis yog ib xeem tiamsid ho paub hais tias yawg txawj zaj
thiab ho nyob hauv Stocton. Peb thov tau tus kwvtij no tuaj ua tus
tuam mej koom hos peb tus tuam mej koob ho ua tu lwm. Peb tus lwm ces
yawg cia li ua ib tug pab lawm xwb. Thaum ntawd yog 9pm. Thaum
ntawd niam txiv tus hauv tsev yeej paub peb tus kwvtij no zoo vim lawv
sib koom zos thiab yeej paub hais tias yawg txawj zaj tshoob heev.
Peb tus mej koob xa zaj tag zaj tuaj rau tus hauv tsev lawm xwb. Lawv
qhib peb mus tsev. Peb tus mej koob hais thiaj ntxhi rau peb hais
tias cov hluas lawv ib tug nyuag me koob hauv tsev tsis paub zaj lam
txawj zaj nyuag puav xwb. Lawv saib tsis tau nej, cia kuv mam hais
zaj thov qiv rooj thiab hais tej me nqi mis nqi hno saib nws yuav muab
zaj dab tsi teb tuaj. Ib pliag peb tus xa zaj li zaj xwb ces thaum
ntawd muaj ib tus laus neej niam txiv hauv tsev tuaj koom. Nws thiaj
li sawv tsees los nug ob tog me koob hais tias, cov hluas, kuv nug
nej. Tus ntxhais no twb tsis yog nqis tsev hais ua cas nej yuav ho
hais zaj thiab ua zoo nkaus li tshoob zawj. Peb Hmoob kev ua tshoob
ua kos no nws muaj kab muaj ke, tsis yog lam tau lam ua. Thaum kawg
lawv tus mej koob thiab los teb thiab thov txim hais tias lawv tau ua
dhau zog rau peb lawm thov zam txim. Kom peb ho txhob xav li. Txawm
lwm hnub lawv ho tuaj txog peb los txhob muab ua ib qho chaw caws
tseg. Peb yog qhua ces txawm luag ua saib tsis tau peb lawm los peb
xav kom peb rooj tshoob tiav ces peb cia li yuav li lawv hais. Txij
ntawd los txog kiag thaum sawv kev, ib zaj tshoob twb tsis hais li
lawm.

Tshuj, qhov koj thiab nej ob peb tug yuam tus kwvtij Hmoob no ua, tsis
yog nej kom nws nrho nplaig qaib, yog lwm yam lawm, nej tau ua dhau
kev cai lawm. Yog muaj tseeb rho nyuag nplaig qaib ntawd xwb nws tsis
muaj dab tsi yuav cuam tshuam txoj kev ntseeg ntuj. Koj twb hais tias
lawv twb pe tib si lawv twb tsi xav li cas thiab refuse ne. Qhov
nyuag dho nplaig qaib no ho loj luaj npaum li cas. Qhov tseeb, koj
tseem zais tsis qhia. Kuv xav tiag tiag yog nej yuav kom nws ua ib
yam dab tsi lawm.