Phooj ywg Moj Them,

Koj muab hmoob ti npe hu ua neeg tsiaj no es koj tus kheej puas kam
liab qab thiab yaum txhua tus hmoob kom liab qab ua paum thiab qau dai
nplawg ntia taug kev, es yog neeg tsis nug los tseg neeg nug koj no ces
koj hais tias koj yog neeg tsiaj no ma ? Yog koj tsis coj s/d ua ntej
ntshe yuav tsis tau tsim nyog hu hmoob ua neeg tsiaj ho.

kuv pom li koj pom thiab, koj puas kam hais kom hmoob moj them tiag
tiag? Kuv los kuj pom li phooj ywg tseem yeej hais thiab. Cov kasmoos
txawv teb chaws tsuas pom tus number reduced qis zuj zus xwb, niam no
twb tsis muaj li lawm los yog. Vim sawv daws pheej txawj txawj txua
ntau lub tob hau. Ib tug txua-coj ib pab khiav. Lwm tus ho txua-coj
dua lwm pab khiav. Txua zom zaws ces ua rau s/d cia li saib tej niag
kasmoos tsis tseem ceeb li lawm. Txawm yuav txua tsawg lub tob hau los
kuj zoo tab sis puas yog txua mus peev theev tus yeeb ncuab los yog
txua los tawm tsam hauv tsev ? Tsam no cov poj niam hauv tsev twb rov
qab ntsia s/d tsi tseem ceeb li lawm, tus yuav mus deev dub deev mev,
dev nplog, deev nyab laj li cas los muaj tas.

Kuv thov muab 10 nqe lus nram qab ua piv txwv rau s/d xav seb peb yuav
moj them li cas thiaj zoo.

1. xyoo 1919 Paj Cai thiab Soob Ntxawm lawv ua, vij yog nthuav dav
kawg, tab sis tseem muaj tus mus rau xov thiab muab tswv yim rau fab
kis, Paj Cai thiab Soob Ntxawm lawv thiaj khaub hlab tas thaum kawg
luag muab hmoob ntes coj los cuam tsheej nqa mam rho ntaj txhij Hmoob
lub caj dab.

2. Tsis ntev tom qab no Kiab Toom thiab nws tus vauv Lis Foom lawv sib
nyom sib nyom, txawm yog ob yawm txiv yawm vauv xwb los yeej sib nyom
txog thaum uas s/d tuag tas lawm los tej tub ki tseem sib nyom ua
ntxhov qees txog rau thaum Faiv Ntaj ua siab khiav mus koom tes rau
nyab laj rov los nyom phas nyas lawv cov txiv tub txog rau hnub CIA
tuaj tsuj.

3. 1961 VP sawv coj, yeej hlub txhua haiv thiab txhua xeem neeg. S/d
kuj kwv nyom tsis tau yooj yim lawm tab sis, VP kuj raug twb phom rau
zaum puav, hmoov zoo VP kuj tsis tuag. Leej twg yog tus nyom ? Tsis
paub los ua cas, yus lub pob caus thaum ub tej niam tej txiv ua es Faib
Ntaj thiaj khiav mus koom tes rau tog liab lawm. Thaum tog liab los
tswj no ces ho tsis nco qab es tseem xav tias yus tog yog tog yeej
lawm. Qhov twg, kawg mus ev saw hlau xwb tiag.

4. 1975 VP ya tawm lawm, Ly Teck thiab phas nyas nkawv txawm cheem cov
hmoob npaum li cas los hmoob tsis nyob. Cov nyob es tsis khiav los
luag niaj hnub tuaj nrhiav ntes vim twb ntes phas nyas thiab ly teck
nkawv tib si lawm. Tuag hnub no yeem tuag tag kis, Zoov Zuag Hawj
thiab Yaj Xaiv Suav nkawv kuj sawv coj s/d txheem kom luag txhob tuaj
txhom tau s/d mus xam mab nas. Nkawv ob yawg, Zoov Zuag sawv cev pab
Caub Fab hos Xaiv Suav sawv cev pab Laus Kub Xaj, ob pab no kuj txheem
kom tog liab txhob tuaj tua tau yus tab sis nkawv ob pab kuj rov los
sib txheem tsis sib pab. Liab tuaj rau xaiv suav cov ces zoov zuag ua
ntxoov tes ntsia, liab ho mus rau zoov zuag cov los xaiv suav kuj ua
ntxoov tes ntsia. Thaum kawg ob pab no lub zog kuj tsuag zuj zus.
Xaiv suav khia rau thaib teb lawm tseg zoov zuag nyob.

5. Thaum s/d los txog rau Thailand thiab ib co hla dhau mus rau USA
lawm. 1981 cov nplog thiab VP thiaj li los form lub Neohom. Tsis ntev
tom qab, Paj Kaub kuj carried caub fab tus fwj chim los rau Thaibland
mus rau China thiab rov los sib txheem. Txawm yog sib txheem me ntsis
los s/d puav leej mus tua tib tug yeeb ncuab. Tsuas yog VP & PK nkawv
nyias muaj nyias lub zem muag xwb, hmoov tsis muaj PK kuj raug yeeb
ncuab tuaj muab nws txov tau rau lub qab xyoo 2002 lawm.

6. June 1991, muaj 6 tus hmoob tub txawj, yuav tsis tuav lawv cov npe,
tau mus coj Vwj Mai tuaj tsa forum nyob rau DC, thov grant mus xa Hmoob
tawg rog rov mus nplog. Dr. Pob Zeb thiaj coj niam txiv pej xeem s/d
mus tawm tsam. Thaum kawg Vue Mai nrog rau pab tub txawj thov tau ib
co grant mus xa hmoob rov mus nplog. Vue Mai thiaj ua ib siab coj hmoob
rov mus nplog lawm. Hnub no Vue Mai nyob qhov twg, tsis muaj leej twg
paub. Cov Hmoob tub txawj tsis mob tsis khaus. Pom hais tias nplog
yeej tsis muaj kev ncaj ncees tiag, ib tug ntawm cov hmoob tub txawj
uas tau mus coj Vue Mai tuaj thov grant thiab nws tau mus nqes peev
txhim kho kom hmoob muaj noj muaj haus, thiaj li los form lub HIHRW ua
hauj lwm sib txig nrog LHR. Tsam no cov thawj neeg tseem ceeb hauv
HIHRW pheej hais tias LHR txeeb txeeb lawv cov hauj lwm ua. s/d mam
txiav txim rau qhov dej num no, LHR tsim tsa xyoo 1987 hos HIHRW tsim
tsa tom qab 1992.

7. Hnub no phooj ywg tseem yeej, zoo siab tias cov koom haum nyob
txawv teb chaws tsuag zuj zus lawm. Npawg tseemyeej hais li no:
"Every day, more and more people come out of the jungle, realizing that
Yankees will never return to LongCheng under a military act. Isn't it
what Touby/Lyteck had predicted some years ago? They've said that War
will end with the TIP of a PEN. On the other hands, thugs of WAR said
it would end with the TIPS of GUNS; total Victory was nearby. Once
being abroad, not convinced, they have tried so hard, but every day,
number of participants is diminishing to a lower and lower digit
numbers" [From: tseemyeej, Date: Fri, Oct 6 2006 11:50 am]. Cov hav
zoov los kuj tawm tu kua zuj zus. Hmoob tseem pheej khiav los rau
thaib teb tsis so. Yog hmoob s/d tsis moj them, thaum kawg phong xab
vam, lav 52, thoob nas mis thiab lav 20 yuav zoo li cas. Ntshai tsam
lam ciaj tauj ciaj nqeeb li looj ceeb, xang thong xwb.

8. Tsis ntev los no muaj dua ib pab tub txawj kuj muaj lub laj lim yuav
mus tsim kho kom hmoob nyob nplog teb muaj noj muaj haus. Kom cov
hmoob nyob hav zoov tawm los kom tas xwv nom tswv nplog thiaj li zoo
txhim kho lub teb chaws nplog. Hmoob hav zoov txav tawm deb zuj zus,
luag neeg txawv teb chaws txum mus khawb tej qhov nyiaj qhov kub hauv
lub teb chaws dav zuj zus. Luag tua cov nyob hav zoov tshuav tsawg zuj
zus, cov hmoob nyob nram nroog lub siab lub ntsws tshee zuj zus. Lawv
thiaj hu zaj nkauj rau txiv nraug cuam kom rov los kau rau lub zoov seb
nas noog puas rov muaj coob.

9. Niam no Hmong International Congress kuj claimed kom tu av rau hmoob
nyob lawm. At the sametime, muaj tus puav hauv HIC ho mus form dua ib
lub koom haum hu ua HAIS lawm, tsawg leej ua tsawg lub tob hau. Hmoob
yuav mus txog qhov twg? Tshaj ntawd tej hais los no puas yuav
jeopardize rau nqi 8 saum no ? Muaj ib cov yuav mus nrog nplog txhim
kho teb chaws es nws cov hmoob twb ho ua lwm yam txawv txawv ib sab
tuaj lawm no nom tswv nplog puas yuav kam lees txais tej plan txhim kho
uas sawv daws tau mus offer ntawd?

10. Tam sim no hmoob sam sim nyob rau ntu lwm haiv neeg pib tsis
totaub thiab tsis paub tseeb tias leej twg thiaj yog hmoob tus coj
tiag. Kev noj peb caug los tsis muaj fij xws, kev nrhiav noj los yuam
luag txoj cai, kev sib ntaus sib tua hauv vaj hauv tsev los loj hlob
dav zuj zus. Hmoob yuav ua cas. Leej thiaj kam hais kom hmoob moj them
?

Aub, phooj ywg moj them - tham ntau dhau hwv lawm tsam ib pliag phooj
ywg tseem yeej thiab phooj ywg vue nkawv nqa vaajmoob rab riam pum tws
tuaj ntshe yuav khiav tsis dhau ho. Cia tso tseg li no. Yog 10 sob
lus sau no ua tau lesson rau Hmoob no mas koj moj them thiaj li yuav
los coj tau hmoob moj them. Hos yog 10 sob lus saum no tsis kub tsis
no hmoob no ces cia yuav li koj hais, koj yuav hu hmoo ua neeg tsiaj no
los ywj koj. Tab sis tsiaj mas tsis txawj hnav tsoos. Yog koj yuav hu
hmoob ua tsiaj tiag mas seb koj puas yaum tau hmoob txhob hnav tsoos.

Mam sib ntsib dua.

Dej ntshiab.