Phoojywg Tubtxib,
Txawm peb ua xau los yog peb paub sib hwm no peb yeej nyob taus ua kev
thiab.

Phoojywg KabLiab...,
Ua tsaug rau koj zaj dabneeg. Kuv nyuam qhuav hnov thawj zaug thiab
xwb ov! Hmoob yeej muaj ntau lo lus uas sawvdaws niaj hnub siv, tabsis
tsis paub hais tias lub tseem ntsiab yog los qhov twg los thiab yog
txhais li cas tiag. Peb tseem yuav tau sib cog sib qhia thiab kawm
ntxiv.

Phoojywg Kwvtij,
Yuav tsum xam mus kom txog ntu nqha tebnqhuab mam mus ntujtxiag
tebtsaus mas mam mus rau yeeb ceeb (Vaj Hmoob Ceeb Tsheej) thiaj yog
nawb. Peb txoj kev lis kev cai, nkauj, qeej, zaj tshoob txiv xiav no
ces puav leej yog history lesson rau peb ntag. Yog peb ua twb zoo muab
kawm thiab muab xav ces peb paub hais tias peb nyob qhov twg rau qhov
twg los. Hos hais txog ntawm Ntxwjsisnyoog mas tsis yog Satan li cov
coj kev Christian hais nawb. Raws li Hmoob kev ntseeg mas Ntxwjsisnyob
yog tus Vajtxwv kav Yeeb Ceeb Teb. Nws yog tus muab ntaub noj ntawv
haus rau tib neeg los thawj thiab thiab yog tus txiav txim rau cov
neeg txhaum txim raws qhov uas nws ua txhaum hauv ntiaj teb no. Yog
cov zaj xa mus cob rau Ntxwjsibnyoog ces yeej tseem kev tseem cai raws
li qhov peb ntseeg lawm. Txawm yog li no es kuv thiaj hais tias peb
plam ntxhiab lawm no los mas.

Phoojywg Txiabneeg,
Kuv los yeej xav li koj hais thiab. Peb txawm plam ntxhiab me ntsis
lawm los twb muaj lawv mus pab taug ntxhiab rau peb ces muaj ib hnub
twb peb yeej yuva rov los taug tau ntxhiab qab dua.

Phoojywg maim muam zhen,
Kuv twb xav zoo zoo dua lawm, yam li kuv tsis pom qhov kuv hais yuam
kev li. Tej zaum yog yus tsis pom yus ceb muag xwb. Thov koj pab ua
iav rau kuv tsom los pob. Tej zaum koj ib nyuag offend rau lo lus
"plam ntxhiab" no xwb pos. Lo lus no kuj ntau nqi tau phem thiab tau
zoo tibsi nawb. Txawm kuv hais li no los peb yeej plam lawm tiag ne:
peb twb plam tsis siv qeej siv nruas los ua kev lom zem, ntaus rog li
qhov original usage lawm ne. Tej no tsis yog tim kev ua tsov ua rog,
tsis yog tim kev tsiv teb tsaws chaw es nqa tsis tau tuaj, yog tim peb
plam kev siv lawm xwb, tej zaum yog plam tus txawj siv rau fab kev lom
zem lawm xwb los kuj tsis paub. Yog tim kev ua tsov ua rog tiag ces
peb kuj tsis siv rau tej ntees ploj ntees tuag li lawm thiab.

HL