HL,

thov kom koj twb muab ua zoo xav nawb mog. peb hmoob xov tshoj tsis
yog "nplam ntxhiab" ov. peb yeej paub paub, tiam si, peb yog cov tawg
khiav los mus vim kev ua tsov ua rog. tsis yog peb xav xav tsog tseg,
tsis yog peb lam txawj ruam tuaj, TIAM SI, yeej kawg nkaus tias peb
hmoob xov tshoj yog cov raug kev quab yuam ua tsov ua rog.

piv txwv, peb hmoob mekas twb tsis ua kev cai dab qhaus thooj li cov
kwv tij los tsuas lawm. yog tua tsiaj txhu, peb twb tsis tua hauv tsev
lawm. peb tseem yuav tau yoog mekas txoj cai es coj mus tua tom tshav
tsiaj, mus tom muab tej ntawv ntub ntshav tov tag mam li coj rov qab
los ua tom tsev. qhov no koj puas xav tias yog peb hmoob mekas nplam
ntxhiab los yog ua li nplog hais, "cas pees" lawm xwb?

kuv twb hais ntau ntau zaug hauv no lawm neb. kuv hais tias, thaum i,
yaj me nus (DYD txiv), twb mus kaw tau hmoob suav tej lus. nws mus
noog lawv kom lawv qhia txuj ci. cov kwv tij hmoob suav tseem hais,
"peb tsis muaj txuj ci dab tsi li lawm as. rab txiv qeej los nej khiav
mus nej muab nqa mus lawm." cov kwv tij hmoob suav tseem lees paub
tias cov hmoob tawg los rau xov tshoj yog cov nqa hmoob cov puav pheej
noob neej tsim txiaj los lawm tag. es, ua li cas hnub no koj ho xav li
no?

peb yeej poob tej yam lawm los mav, tiam si, tsis yog nplam ntxhiab es
thiaj li poob. yeej raug luag quab yuam thiab tsim txom thiaj li tau
tso tseg, thiaj li nqa tej txuj ci tej teej tug tseem ceeb tsim txiaj
khiav los lawm xwb. lawv nyob tom qab los lawv yeej raug txia mus ua
suav ntau pab ntau pawg kawg li lawm thiab. lawv yeej lees paub tias
lawv tsis paub hais lus hmoob lawm. lawv yeej lees paub tias lawv yog
hmoob siav, cov khiav cov nrog suav sib tua yog hmoob nyoos.

lo lus "nplam ntxhiab" no yog ib lo lus phem phem siv rau tus neeg lam
tau lam ua, lam tau lam kov, ua ua kov kov ces cia li ua yuam kev ces
tsis paub ua li lawm xwb. hmoob xov tshoj poob txuj ci dab tsi, tsis
yog poob raws li no ov.

tsis tag li ntawv, lawv poob txuj ci raws kev txia mus ua suav, peb
poob txuj ci raws kev ua tsov rog + tawg teb chaws, tiam si, lawv nyob
ib kauj ruam deb dua peb los peb nyob ib kauj ruam deb dua lawv tam
sim nov?

yog koj tham txog txuj ci tes taw xwb ces, tsawg tsawg leej thiaj li
paub. tsis hais hmoob tsis hais mab sua, tej yam txuj ci raws li khawv
koob + tes taw, tsis yog tag nrho hmoob suav paub los tag nrho mab sua
paub. cov hmoob tuam tshoj paub los lawv ib tug ob tug paub xwb. cov
hmoob xov tshoj paub los lawv paub ib tug ob tug xwb. tej yam txuj ci
no, koj yeej paub lawm, hmoob + suav tsis lam sib qhia yooj yooj yim.

thov koj xav kom zoo zoo mam li hais nawb mog.

On Sep 17, 4:55 pm, Hmong-Lao hotmail.com> wrote: