> Vimhlub,
>
> Thov nug koj tias koj puas tau muaj tub yuav nyab thiab muaj ntxhais
> qua?  Nyob ntawm kuv tus kheej kev qua ntxhais tsi yuav qua kom
> npluanuj... tabsis muaj kab ke yuav tsum tau ua raws...  Cia kuv raise
> ib qho question  example li no rau nej coj mus xav:
>
> 1. Kuv muaj ib tug ntxhais kawm tiav medical doctor ua haujlwm ib xyoo
> twg  tau yog 1 million dollars rov saum. Kuv loan nyiaj rau nws kawm
> ntawv tas yog $200,000. dollars.
>
> 2. Thaum tus ntxhais yuav txiv tog tub nyom tsi kam them nqi tshoob
> yog $6,000 dollars thiab nqi noj haus yog $3,000.00 dollars vim muaj
> phoojywg coob yuav tau ua lub tshoob loj.
>
> 3.  Yog li kuv muab tus ntxhais pub dawb rau tus tub thiab tseem tuam
> vaj tse khoom pob phij tas yog li ntawm $600,000 dollars.
>
> Yog li nej sim nrog kuv xav saib qhov tog tub nyom tsi kam them nqi
> tshoob $6,000. thiab $3,000.00 nqi noj haus ntawd puas tsim nyog?
>
> Hais txog Hmoob tshoob kos mas tos pheej muaj plaub ntug tas mus li
> los yeeb vim HMoob yeej tsi muaj ib txojcai kab ke rau Hmoob taug...
> Li no peb thiaj hu tias Hmoob cai ces yog dev thiab npua cai.
>
> Nej mus yuav pojnaim mab Suav nej puas tau yuav dawb?  Ib tug pojnaim
> Suav nej tsi poob kiag yog $20,000 rov saum... yog nej yuav raug luag
> tus ntxhais tsim txiaj... Yog poj laib ces tej zaum kuj tau dawb
> thiab...
>
> Hais txog koj tsa koj tub yim, kuv tsa kuv ntxhais yim... that's
> wrong.  It is true onle on a certain case xwb ov..
>
> Moobntsuab
>
> On Sep 16, 1:24 pm, vimhlub gmail.com> wrote:
>
>
>

>> Nag hmo kuv hnov rooj sib tham txog Hmoob kev tshoob kos nyob saum
>> xovtoojcua.  Ib tug niam tais hais tias:

>

>> Xav hais rau cov vauv tamsim no kom hlub cov niam tais thiab.  Luag tu
>> luag tus ntxhais da quav qa zis xiam nyiaj lawm pe tsawg?  Luag pab
>> luag tus ntxhais kawm txuj kawm ci tas nyiaj ntau lawm pe tsawg?  Pom
>> xeeb suab tau luag ib tug ncej neeg yuav coj mus cheb qab plag qawj,
>> ntxuav qab yiag to es luag thov 1-2 nyuag txhiab tshaj lub txhooj xwb
>> los vauv cia li sau nra khiav.  Tseem ntxias tus ntxhais khiav caum
>> lawm thiab mas ua rau cov niam tais npau taws dhau lawm.

>

>> Nej xav li cas txog tej no?  Yog vim li cas niam tais thiaj li xav
>> thov 1-2 txhiab tshaj?  Hmoob hais tias, peb tsa peb tub yim los nej
>> tsa nej ntxhais yim thiab no sav.  Thov 1-2 txhiab tshaj ua dabtsi
>> mas?  Tus ntawd yog koj tus ntxhais nas.  Koj yeej tau poob nyiaj ntau
>> lawm es nws thiaj li loj los mas, tabsis luag tsis yog coj mus tua noj
>> nas.  Nws mus ua nws lub neej lawm xwb nas, es koj tseem yuav kaus nws
>> thiaj li zoo siab thiab?  Luag coj mus pub mov thiab ntim tsoo kom koj
>> tsis txhob poob nyiaj ntxiv lawm xwb nas.

>

>> Hmoob ib txwm hais tias kev tshoob kos tsis yog kev muag neeg...cov
>> nyiaj txhiaj uas vauv them tseem nyob qab tsuas qhua, npua rog tseem
>> nyob nram nkuaj.  Qhov no yeej yog Hmoob kevcai ua tshoob nas.  Thov
>> 1-2 txhiab tshaj ua dabtsi?  Coj mus siv los?  Ua cas cov Hmoob tiam
>> no yuav pluag ua luaj li?  Txheej thaum ub lawv twb pub tau ntxhais
>> rau vauv (muab vauv pob nyiaj coj mus cia lawm xwb tsis yog coj mus
>> siv), txheej niam no es luag twb muab tus nqi tshoob lawm los tseem
>> yuav thov 1-2 txhiab ntxiv thiab es lawv puas hlub lawv tus ntxhais
>> tiag?- Hide quoted text -

>
> - Show quoted text -