Moobntsuab,
Kuv le kuv yeej tsws tau muaj tub muab nyab muaj ntxhais qua tabsis
kuv xav hais txog qhov tseeb ntawm Hmoob tshoob kos. Yog vim li cas
thiaj li ua tshoob? Puas yog ua raws li txoj cai kom tej tub/ntxhais
muaj lub neej ua los yog yeej tshuav niam/txiv qi tiag tiag es yuav
tau them raws li niam/txiv xav tau?
Teb koj cov lus:
>1. Kuv muaj ib tug ntxhais kawm tiav medical doctor ua haujlwm ib xyoo
>twg tau yog 1 million dollars rov saum. Kuv loan nyiaj rau nws kawm
>ntawv tas yog $200,000. dollars.
$200,000 ntawd yog koj txawj xav, koj yuav tau pab nws raws li ntawd
koj txoj kev hlub hais tias nws yog koj tus me nyuam. Yog koj ho tsis
txawm peev, cia rau tus txhais tus vauv mam li maj mam them mus rau
tus tibneeg uas koj tau qiv los ntawd vim tias tej nyiaj ntawd yog
nyiaj qiv, tsis yog nyiaj sib pub. Tus ntxhais txawm yuav ua tau
nyiaj ntau npaum li cas, tsis tsim nyog koj yuav muab sua ua nuj ua
nqi rau tus ntxhais tus vauv ris. Qhov tus ntxhais ua haujlwm tau
nyiaj ntawd yog tus ntxhais tug raws li nws lub peev xwm. Cov nyiaj
ntawd yog nws cov tsis yog leej twg li. Yog nws txawj xav nws pub kom
siv los nyob ntawd nws. Yog nws ho pub rau tus vauv los koj yuav tau
tsis txhob suav ua nuj ua nqi rau tus vauv thiab vim tus vauv twb muaj
lub neej rau koj tus ntxhais lawm. Qhov twg yog qhov muaj txiaj ntsig
tshaj?
>2. Thaum tus ntxhais yuav txiv tog tub nyom tsi kam them nqi tshoob
>yog $6,000 dollars thiab nqi noj haus yog $3,000.00 dollars vim muaj
>phoojywg coob yuav tau ua lub tshoob loj.
Yog $6,000 yog tus nqi tshoob raws li teb li chaws lawm yeej tsim nyog
tus vauv them lawm. Ntawm $3,000 nqi noj haus nes, puas yog raws li
kevcai tshoob kos? Yog tsis yog, koj tsis tsim nyog yuam rau tus vauv
them. Nws pab koj (on the side) tau, tabsis tsis tsim nyog koj muab
suav rau saum rooj tshoob. Koj hais tias muaj phoojywg coob yuav tuaj
noj no es cov phoojywg ntawd yog leejtwg cov? Nyob hauv koj tsev ces
tej phoojywg yog koj qhua. Tsim nyog koj yog tus them. Koj qua
ntxhais, luag tuaj tsis yog tuaj pauj tus ntxhais. Luag tuaj pauj
koj. Koj yuav tsum them. Luag twb hais tias koj ua tau loj ces noj
loj, koj ua tau me ces noj me no nes? Koj xav noj loj tabsis ho kom
tus ntxhais tus vauv them no mas tsis yog lawm.
>3. Yog li kuv muab tus ntxhais pub dawb rau tus tub thiab tseem tuam
>vaj tse khoom pob phij tas yog li ntawm $600,000 dollars.
Feem ntau, ntawm $600,000 ntawd yeej tsis yog koj nyiaj. Vajtse ntawd
los twb tsis yog koj tug. Tus ntxhais khwv tau xwb tabsis nws yeem
muab ua koj tug kom koj ho "phij cuam" rau nws xwb. Qhov nod, yog koj
txawj xav, ntshe koj twb zoo siab tsis txawj tag. Koj tseem ho muab
suav ua nuj ua nqi rau nws ev mus kom txog hnub tuag thiab mam tsis
yog kiag li lawm nawb.
Ho hais tias $600k + tej vaj tse ntawd yeej yog koj tug tiag tiag.
Qhov nod los tsis tsim nyog koj yuav muab suav ua nuj ua nqi rau nws
ev mus. Yog koj yuav ua li ntawd, thov koj tsis txhob muab zoo dhua.
Luag tsis tau los luag mam mus khwv zoo tshaj qhov luag ev raws koj
tej nuj nqi (tsis yog txiaj ntsig nawb -- yog nuj nqi) mus txog hnub
tug. Yog koj yuav muab, muab vim koj hlub koj tus ntxhais...tsis yog
vim koj xav kom nws tshuav koj nuj koj nqi. Gifts should be freely
given. If not, it is not a gift.
>Hais txog koj tsa koj tub yim, kuv tsa kuv ntxhais yim... that's
>wrong.
Wrong in what way? If you are unwilling to tsa koj tus ntxhais yim,
how poor are you? Koj tus ntxhais yuav tsis tu siab rau koj. Tabsis
yog koj txawj xav tiag tiag, koj tsis nyog tu siab rau koj tus kheej
kawg nkaus nawb. Muab hais ces...koj yug tau nws tabsis koj yeej tsis
xav kom nws zoo kiag li.
