zhen,

Kev nplua nyob hauv kev tshoob kev kos mas kuv hos tsis hais vim nws
yeej muaj nws kab ke thiab vim tsuas yog xav kom tau neej tau tsav
tiag tiag thiab ua kom yus tus neeg ntawd lub neej ruaj kho xwb (at
least that's how it is believed). Tabsis qhov uas sau nqi tshoob kom
niag vauv pluag kiag los yog kom niamtais yawm txiv muaj kiag no mas
yuam kev lawm.

Tej ua li ntawd, muab xav kom tshab tshab ces yog yus rov qab nrhiav
kev pluag rau yus tej ntxhais vauv xwb. Txawm luag them taus los
txhais tau tias yus yog ib tug neeg pluag kawg nkaus es yus cia li
yeem kaus yus tus me tub me nyuam yam li muab nws muag kiag rau kev
tuag.

Txawm tus ntxhais tau doctor, lawyer, etc los kav liam. Tsis yog tias
koj sau noj ib teg tas ces koj tus ntxhais txawm tas li ntawd lawm
nas. Nws ua neej nyob nws tseem yuav hlub thiab pab koj. Yog sij
khib hais tias tsam nws ho mus pab luag ua neej zoo lawm no mas yog ib
qhov "poor mentality" dhau lawm. Txawm yuav zoo npau li cas los yog
koj roj koj ntshav nas. Tsim nyog koj yuav zoo siab tias muaj tus
vauv es koj tus ntxhais thiaj li muaj neej ua. Nyob txawm tias koj
tus ntxhais yog doctor, lawyer, los ho tsis muaj vauv coj koj tus
ntxhais mus hlub no koj ho puas tu siab? Cov uas tsis xav kom tus
ntxhais zoo, es xav kom tus ntxhais/vauv pluag kiag mas thiaj li zoo
siab no mas yog ib co tibneeg siab ntais ntuj tiag tiag li nawb.