> All,
>
> ຜູ້ຂ້າສັງເກດເຫັນວ່າ ພີ່ນ້ອງລາວນອກສ່ວນໃຫຍ່
> ຍັງເຂົ້າໃຈແລະວາດພາບບັນດາຜູ້ນຳລາວ
> ແບບພວກປະຕິການຂວາຈັດ ທີ່ມັກອອກມາວິພາກວິຈານວ່າ
> ຍັງເປັນຜີເປັນສາງມາຈາກປ່າຈາກດົງ
> ແລ້ວແຕ່ພວກເສຍເສັ້ນນີ້ ຊິພັນລະນາໄປ
>
> ພວກທ່ານຈະໄປຕີລວດກວາດພຽງວ່າບັນດາຜູ້ນຳລາວປະຕິວັດເປັນແບບດຽວກັນນັ້ນ
> ແມ່ນບໍ່ມີຄວາມເປັນທຳຕໍ່ຄອບຄົວຂອງຜູ້ທີ່ໄດ້ລ່ວງລັບໄປແລ້ວ
> ທັງໆທີ່ພວກທ່ານບໍ່ໄດ້ຮູ້ຄວາມຈິງການໃຊ້ຊີວິດຂອງພວກເພິ່ນໃນໄລຍະ 30 ກວ່າປີ
>
> ທ່ານຫນູຮັກ ເປັນຜູ້ນຳລາວ ທີ່ມີຄົນນັບຖືແລະຢຳເກງທີ່ສຸດໃນລາວ
> (the most charismatic leader in Laos) ຈົນຮອດວັນສຸດທ້າຍຂອງຊີວິດເພິ່ນ
> ແມ້ກະທັ້ງມື້ປົກສົບສົ່ງສະການ, ມີຄົນມາຮ່ວມພິທີເປັນຫມື່ນ
> ຈົນບໍ່ມີບ່ອນຊິຢືນຢູ່ເດີ່ນທາດຫລວງ
>
> 1.ທ່ານເປັນຄົນຮັກຊາດຮັກປະຊາຊົນໂດຍສາຍເລືອດ
> ບໍ່ເຄີຍເອົາເລື່ອງຜົນປະໂຫຍດສ່ວນຕົວມາກ່ຽວຂ້ອງ
> ນັບແຕ່ 1975 ຈົນຮອດ 2008 (33ປີ) ຢູ່ເຮືອນນ້ອຍຫລັງດຽວທີ່ລັດມອບໃຫ້ ແລະ
> ບໍ່ເຄີຍຮຽກຮ້ອງຕື່ມອີກ
> ເຖິງວ່າ ລັດຖະບານຈະປຸກໃຫ້ໃຫມ່ ແຕ່ເພິ່ນກໍປະຕິເສດ ບອກວ່າບໍ່ຈຳເປັນ
> ສ່ຳນີ້ກໍຢູ່ໄດ້ແລ້ວ
> 2.ທ່ານໃຊ້ເວລາສ່ວນໃຫຍ່ໄປຖາມສຸກທຸກແລະບັນຫາຂອງປະຊາຊົນຢູ່ຕາມເຂດຕ່າງໆທົ່ວປະເທດ
> ແລ້ວກັບມາແນະນຳທາງເບື້ອງລັດລົງໄປແກ້ໄຂ
> ເຊິ່ງສ່ວນໃຫຍ່ແມ່ນໄດ້ຮັບຕອບສະຫນອງເປັນຢ່າງດີ
> 3.ທ່ານເປັນທີ່ປຶກສາແລະຜູ້ແນະນຳໃນການແກ້ບັນຫາຄວາມຂັດແຍ່ງພາຍໃນທີ່ຊົງອິດທິພົນແລະເປັນທຳທີ່ສຸດ
> ນອກນັ້ນ ທ່ານຍັງເປັນຜູ້ສັງເກດການທີ່ຢາກຮູ້ຢາກເຫັນທຸກບັນຫາຂອງບ້ານເມືອງ
> ຜ່ານມາ ທ່ານເຄີຍເຊີນ ນັບແຕ່ນາຍບ້ານຈົນຮອດລັດຖະມົນຕີມາພົບ
> ເພື່ອທັກທ້ວງ ແລະ ແນະນຳໃນການແກ້ໄຂບັນຫາ ເພື່ອຊາດບ້ານເມືອງ
> ໂດຍປາສະຈາກເລື່ອງຜົນປະໂຫຍດແຊກຊ້ອນໃດໆທັງຫມົດ.
>
> ຍັງມີຫລາຍເລື່ອງຂອງທ່ານຫນູຮັກ ທີ່ຜູ້ນຳລາວລຸ້ນໃຫມ່ຄວນເອົາແບບຢ່າງ
> ຖ້າມີໂອກາດອີກ ເທື່ອຫນ້າຈະມາເລົ່າໃຫ້ຟັງຕື່ມ.
>
> ຮັກແພງ
> ດກຈ